• يسعدنا أنك قررت تصفح مجتمع شوف هنا! انشئ حسابك و انضم إلينا.

سفرتي الى اسطنبول 29 نوفمبر 2017

FW

Administrator
طاقم الإدارة
بسم الله الرحمن الرحيم


الرحلة كانت يوم 29 اكتوبر 2017 لمدة اسبوع
الاقلاع يوم 29 اكتوبر والعودة 5 نوفمبر
العدد 4 اشخاص انا وبناتي الثلاث " حفظ الله الجمع "

كنت انتظر اليوم الوطني قبل الحجز حتى يكون فيه خصومات ولكن الخصومات كانت فقط للرحلات الداخلية ولذلك تم الحجز على الخطوط التركيه كانت ارخص بسعر 1200 ريال للشخص ذهاب واياب
رغم انه بعد الحجز باسبوع تقريبا حصل عروض حلوه بالخطوط السعودية ولكن الحمدلله على كل حال

تم التجهيز للرحله وشراء شنط السفر خصوصا انهم اول مره يسافرون برا
وشراء ملابس شتويه " قليله " لانه هناك ارخص
حجز فندق دوسو دوسي اولد تاون في سلطان احمد
هذا موقع الفندق في بوكنج
لان هناك اكثر من فندق بهذا الاسم
الحجز كان مبكر واخترت الدفع عند الوصول بسعر 6300 ريال تقريبا
جناح عائلي مكون من غرفتين
غرفه فيها سرير كبير مع حمام وغرفه فيها 3 اسره بحمام

دخول موقع اصدار الفيز وطلب عدد 4 فيز قيمة الفيزه 60 دولار للشخص

https://www.evisa.gov.tr/ar/

يرجى التاكد من الارقام المدخله لاني غلط في تاريخ نهاية احد الجوازات واضطريت ادفع من جديد واسوي وحده ثانيه وهذي اول غلطه سويتها والغلطات كثير سيتم ذكرها تباعا
funny2.gif

تم طباعة الفيز الاربع ووضعها بالشنطه الخاصه في
تم تصوير الجوازات واحتفظ كل واحد منا بصورة من الجواز في شنطة اليد التابعه له " تم الاستفاده من هذي الصور سيتم ذكرها لاحقا "
طباعة حجز الفندق وتصويره 4 صور حتى لاقدر الله احد ضاع يكون معه صوره للحجز للفندق " زيادة حرص " كان ممكن الاكتفاء بكرت الفندق لكل واحد "

من البيت كلمت اوبر وانطلقنا للمطار جاهزين الحمدلله كل شي تمام
وصلنا المطار شفنا الشنط ثقيله وخفنا مايدخلونها لان وزنها اكثر من 10 كيلو
فقررنا اخر لحظه اننا نشحنها
تم شحن الشنط والدخول لصالة المغادره !!

انطلقت الرحله الساعه 6 صباحا بموعدها والوصول تقريبا 10 ونص

صورة للفطور بالطايره والحمدلله على النعمه " ماكان بذاك الزود "


9lIcyQg.jpg



نزلنا المطار ولله الحمد تذكرت ان الفيزا اللي طبعتها موجوده بشنط الشحن
وان شنط الشحن ماناخذها الا بعد الجوازات التركيه
وهذي كانت ثاني غلطه سويتها
9.gif



لقيت كاونتر كلمته ان الفيز بالشنطه وهل هي ضروري او مسجله عندهم بالنظام وقال لازم يكون معاك صوره وكان يتكلم انجليزي بطلاقه ومشى معي الى اجهزه اليه زي اجهزة الصراف وقال ادخل مرجع العملية واختر طباعه
الحمدلله اني محتفظ برسائل الايميل الموجوه بالجوال وفيها موجود ارقام المرجع لكل عملية
ساعدني بطباعة وحده من الفيز وانا كملت الباقي والحمدلله انتهيت من هذي المشكله رغم انها عطلتني لانه وصلت عند الجوازات وكان فيه زحمه

تم الانتهاء من ختم الجواز واستلمنا الشنط واول شي سويته البحث عن شركة ترك سل وهذا حسب كلام كثير من الاشخاص هنا او في تويتر " كثير يمدحونها

تم شراء 4 شرايح في كل شريحه 6 جيجا انترنت ومكالمات داخل تركيا ورسائل نصيه قيمة كل شريحه 110 ليره والليره حاليا تعادل الريال يعني 440 ريال لاربع شرايح

خرجنا من صالة المطار متجهين الى الفندق
كنت بكلم اوبر ولكن لازم اركب الشريحه واحتمال ماتتفعل فركبت تاكسي واعطيته صورة الحجز عشان يشوف العنوان وصلنا الفندق تقريبا الظهر واخذ 60 ليره

دخلنا الفندق طلب الجواز وتاكد من الحجز وطلب اما الدفع بنفس الفيزا اللي مسجله او الدفع كاش فدفعت بالفيزا ودخلنا الجناح وهذا صور منه

xpmUi1i.jpg


1BLnokd.jpg


TJoJLBM.jpg


g0Vyt9w.jpg


الاطلاله ماهي ذاك الزود وقال الجناح العائلي بالخلف وماله اطلاله ولكن بصفه عامه اعتبرها جيده جدا


اعطانا ورقه مكتوب فيها خدماتهم

LWqGfCO.jpg


وقت الشاهي ووقت الشوربه والخدمات اللي عندهم مجانيه واللي بفلوس واسم الشبكه والباسوورد

هذي صوره للشاهي المجاني


dNIK5RQ.jpg


اعتذر عن الاطاله بالتفاصيل ولكن هذي فقط بالبدايه
بالجزء الثاني ان شاءالله مميزات منطقة سلطان احمد وموقعها الاستراتيجي والتي تغنيك عن الذهاب الى اماكن بعيده
 

FW

Administrator
طاقم الإدارة
هذا الجزء خاص بمنطقة سلطان احمد
وكل يوم كنت اكتشف شي جديد فيها
يعني اليوم اللي يكون ماعندنا شي محدد نسويه رحله او مكان معين
نروح نستكشف هذي المنطقه
وفيه مناطق ما اكتشفناها الا اليوم الاخير


السكن في منطقة سلطان احمد رائعه جدا
خصوصا في هذا الفندق
لان الفندق يعتبر حسب وجهة نظري انه في قلب المنطقه
تستطيع ان تذهب لاي مكان مشيا على الاقدام خلال 10 قائق

يوجد هناك حديقة كبره جدا اسمها حديقة جولهانه او غولهانه
تقدر تتمشى فيها وتشتري من هناك السميت حقهم والحبش وابو فروه وتجلس على الكراسي


nfVcIZi.jpg


يوجد ساحة سلطان احمد كوفهيات وجلسات حول النافوره واسواق وفيه متاحف اشوف الناس يتجمعون عندها يدخلونها انا صراحه مالي فيها ولا اللي معي يحبونها مع انه يمكن لو جربنا كان عجبتنا لاني اشوف اعداد كبيره تدخل
ساحة سلطان احمد

layYdnT.jpg


DvfV4WO.jpg


9wpAenf.jpg


P8u73Qr.jpg


GXFc9R2.jpg


ECvO4Q9.jpg


ngChuNv.jpg



من الفندق الى البسفور عشر دقايق مشي في مرورا بمطاعم ومحلات كثير تبيع كل شي تحتاجه وبقالات ومحلات حلويات مشهوره مثل قلولو او حافظ مصطفى

يعني هذي المنطقه كفيله انها تغنيك عن الذهاب الى كثير من الاماكن


الرحلات السياحية
بورصه وجزيرة الاميرات والاماكن التي ذهبنا لها والتي لم نذهب لها
بالجزء الثالث والاخير


 

FW

Administrator
طاقم الإدارة
الجزء الثالث - القسم الاول

اللي يبحث عن اسطنبول يجد الكثير من الاشياء التي يمكن القيام بها هناك من فعاليات واماكن تستحق الزياره
سأبدا بالاماكن التي سمعت عنها وقرات عنها ولم اذهب لها
ملاهي فيالاند والاكواريوم وجميع المتاحف الموجوده نسمع ونقرا عنها مارحنا لها لانها لا تستهوينا وجائتنا نصائح بزيارتها ولكن كما قلت لا تستهوينا
مطعم نصرت المشهور " ابو رشة ملح "


Untitled-8_121.jpg



هذا المطعم يعتبر غالي وزحمه وقرات ان فيه احيانا نصب وتم استبعاده لانه استغلالي

صبانجا كنت مخطط لها ولكن لطول المسافه بالسياره ويضيع وقت طويل لانه ممكن خمس الى ست ساعات رايح جاي ولذلك تم استبعادها


الان الاماكن التي ذهبنا لها وقد وفقنا فيها الا في واحده سيتم ذكررها لاحقا

قبل ابدا احب اقول ان في كل شارع امشي فيه القى ناس تقدم عروض على رحلات سياحية بعضهم بالشارع وبعضهم امام محل وانا ما ارد عليهم ولا اكلمهم عندي يقين انهم غير ثقه او قد يتفق معي على شي والقى شي ثاني لذلك كنت استبعدهم بشكل نهائي

اول مكان قررنا نروح له فينيسا مول
مول كبير جدا جدا وفيه محلات " اوت لت " ومطاعم ومقاهي وسفينه صغيره تمشي بوسط النهر داخل المول بالمنطقه المكشوفه
من الفندق الى المول 50 ليره بالتاكسي
تم شراء كثير من ملابس الشتاء وكانت الاسعار ممتازه والعروض عندهم ممتازه يمكن لانه مو موسم والناس قليل
وانصح اللي يروح يكون هناك الساعه 10 الصباح
لاننا وصلنا قبل ذالوقت وذبحنا البرد ورفضوا دخولنا فاضطرينا نجلس في مطعم صغير يبعد خمس دقايق كان يعمل فيه حريم عجايز شربنا فيه الشاهي حتى جات الساعه 10 ودخلنا المول اخيرا
وهذي صور للمول

KwsgVqW.jpg



q4oeR5C.jpg



fDF7WHP.jpg



QmVmSLC.jpg


انتهينا من السوق قبل العصر وركبا بسعر 50 ليره للفندق نزلنا اغراضنا وارتحنا شوي
قررنا اليوم الثاني نروح بورصه لانه حسب المتابعه عرفنا ان فيه ثلوج ووقت ممتاز
بدأت بسؤال الفندق وعرض علي ان عندهم رحلات سياحية لكثير من الاماكن واعطاني اوراق كثير فيها عروض قريت بعضها ورميت بعضها
بعضها يقول رحله داخل السفينه وعشا وحفل ويبدا 7 الليل وينتهي 12 واحنا من اللي ننام بدري ونصحى بدري
سالته عن بورصه قال تعطيني 300 ليره للشخص
شامله الذهاب من الفندق والعباره والطلوع للجبل والتلفريك والغدا وكل شي وترجع للفندق
صراحه عجبني العرض بس كان فيه مشكله
يقول ان الباص يجي الفندق وياخذكم الى تقسيم وهناك تتجمعون مع ناس وتركبون من ميناء كاباتاش وترجعون هنا 12 الليل
شفتها صعبه ومشاوير مالها داعي فتم استبعاد الفكره
نزلنا بعد العصر مشي الى مينا امينونو وهو يبعد تقريبا 10 دقايق من الفندق ولقيت ناس هناك كالعاده يعلنون عن رحلات سياحية
يرجى الحذر منهم لانه رغم وقوفهم بالميناء الا ان رحلاتهم بريه فالافضل الابتعاد عنهم
لقيت هذا الكشك هناك وسالته عن رحلات بورصه بكره قال موجوده بسعر 28 ليره للشخص باتجاه واحد يعني لاربعه اشخاص ذهاب واياب 224 ليره

Ql7JI8n.jpg


سالني عن الوقت وقلت له ابغى اول رحله وكانت تنطلق 8 ونص الصباح والعوده طلبت 7 مساء
هنا طلبني اثبات ولذلك استفدت من وجود صور للجوازات معانا واعطيناه الصور وتم حجز التذاكر ولله الحمد
وهذي صورة التذكره

P5U7rcw.jpg



بعد ما حجزنا التذاكر وكل شي تمام ووقتها الساعه 5 العصر تقريبا لقيت واحد هناك ينادي على جولات البسفور 12 ليره للشخص والسفينه جاهزه وعلى وشك الانطلاق
دفعت 48 ليره لاربع اشخاص وانطلقنا في اول جوله بحريه
كانت جميله جدا مدتها ساعه ونص


4kPHGFl.jpg


EmPnk9z.jpg


mccGLX9.jpg




كانت جوله جميله ورخيصه

....

بداية رحلة بورصه ..


انا قبل اسافر من هنا لقيت واحد عربي بالسناب يعرض رحلات وكلمته وقال 250 ليره هناك اوديك كل مكان فقط سواق بدون مايتحمل هو اي شي بخصوص الاكل او الشرب

اشترطت عليه ان الدفع بعد انتهاء الرحله اذا رجعت الميناء ووافق
اشترطت عليه ما اتحمل سعر الوقود ووافق
قال بتلقى واحد هناك يحمل ورقه فيها اسمك ينتظرك
بعد الفطور بالفندق رحنا نمشي الى منطقة انطلاق العباره
جينا قبل الرحله بربع ساعه واتجهنا الى بورصه

صورة العباره من الداخل كانت دورين والعدد قليل

fisvtmV.jpg


6HDfBWH.jpg



وصلنا بعد ساعه و 40 دقيقه تقريبا بدون توقف
وفعلا لقينا واحد ينتظرنا واتفاجا انه مو عربي رغم ان اللي كان يكلمني واحد عربي
اتصلت عليه رد علي قال هذا يعرف كل مكان ويعرف الاتفاق اللي بيننا بس ترى التلفريك خربان
هنا المشكله يوم قال التلفريك خربان
قال تبغى الجبل تدفع زياده 75 ليره لان التلفريك خربان وتدفع 36 ليره رسوم الطلوع للجبل اضطريت وافقت وتوكلنا على الله

يعني صارت تكلفة الجوله للسواق 325 ليره من غيره 36 رسوم الجبل
بصراحه السواق محترم جدا وماقصر ودانا اماكن ممتازه وكان ينتظرنا ويساعدنا ويستاهل المبلغ اللي اخذه مع اني بخششته

ركبنا السياره واول منطقه وقفنا فيها الشجره المعمره
صراحه تستاهل الزياره كان الجو ممتاز والجلسات روعه وماكان فيه زحمه


wvyB5TW.jpg

بالتقييم اعطي هذي المنطقه 10/10

بعدها رحنا الى بيت المربى الطبيعي


M28ulw2.jpg


اعطيها تقييم 7/10 عندهم حلويات حلوه ولذيذه رغم اني قريت ان فيه اماكن باسطنبول ممكن تحصلها بس اشترينا منهم اشياء وماكانت غاليه

انتهينا من مصنع الحلويات وطلعنا على جبل الاولدوغ
دفعت 36 ليره عند البوابه واستمرينا بالصعود وبدأت تظهر الثلوج على جوانب الجبل وكل ماطلعنا نشوف الثلوج تزيد اكثر واكثر
حتى وصلنا للقمه مشهد جميل يستاهل تقييم 10/10
نزلنا من السياره فيه جلسات ودفايات لنا وللسواقين هناك
فيه تلفريك صغير يطلع لقمه ثانيه ومصورين اسفل التلفريك واعلاه يصورونك ويعرضونها عليك بسعر 20 ليره اذا تبي واذا ماتبي مو لازم بس صورهم احترافيه
يطبعون الصور ويكبرونها ويعطونك منها نسخه بجوالك

ExTOWgW.jpg


JEcOPRO.jpg


PtDcGYL.jpg


4WZZQfI.jpg


ما اعطانا السواق وقت محدد نجلس فيه باعلى القمه
جلسنا هناك تقريبا ساعه في كوفي وشربنا الشاهي وارتحنا ونزلنا

تحذير : لاترمي تذكرة صعود التلفريك الصغير لانه يطلبها منك وانت نازل

نزلنا والعيون تدمع والقلب يحزن على فراق هذا اللون الابيض الجميل الممتع

ركبنا السياره وانطلقنا الى المطعم والجوع ذابحنا
قد يكون هو متفق مع المطعم يجيب له زباين واللي يعرف مطعم ممتاز يروح له بس انا قبلت باختيار السواق والحمدلله كان رائع اعطيه 10/10
الكيلو 100 ليره لاي نوع من اللحوم
غنمي او بقر او دجاج
كفته او ريش او شيش طاووق


CWVtXBe.jpg


dVtHsnN.jpg



انتهينا من الغدا والحمدلله كان لذيذ اتجهنا الى القرية العثمانيه ثم الى مصنع الحلقوم لا تستحق الزياره ولا صورتها ولا تستاهل اكثر من 3/10 اسعارهم غاليه وعادية جدا
مجرد اضاعة وقت " حسب رأيي "
بعدها اتجهنا الى حديقة الحيوانات
قد يكون توقيتنا سيء ولكن شبه خاليه الحيوانات اغلبها نايم من البرد
رسوم الدخول 5 ليره ما طولنا فيها رغم انه قال لكم ساعه
الميزه استفدنا من دورات المياه داخلها اما هي ماعجبتني ولا تستاهل اكثر من 5/10
اتجهنا بعد كذا الى بول مارك اوت لت
اسعارهم جيده بس احنا انتهينا من التسوق في فينيسيا مول ولذلك ما طولنا
يستحق 7/10

qa2wGzX.jpg


انتهينا منه وودانا الى مول ثاني ايضا اوت لت ولكن رفضنا خلاص لا بنشتري ولا شي وقلنا خلاص ودنا المينا
كان وقتها تقريبا 6 وربع المغرب وقربت رحلتنا

وصلنا الميناء وانطلقنا الى اسطنبول والحمدلله انتهى هذا اليوم الجميل

9nVNTbg.jpg


اضطريت اقسم هذا الجزء قسمين
هذا القسم الاول والقسم الثاني بعده


 

FW

Administrator
طاقم الإدارة
الجزء الثالث - القسم الثاني

قررنا في احد الايام الذهاب الى حديقة اميرجان
حديقة كبيره جميله بس واضح ان توقيتنا كان فيها سيء
رحنا لها وقت الصباح بيوم عمل وما كان اجازه
شبه خاليه من الناس وكان فيها اطفال باين انهم تبع مدرسه
بحثنا عن الزهور الموجوده هناك وقالو لنا في الربيع تكون موجوه
الحديقه بصفه عامه جميله جدا
تحس وانت تتنفس ان اكسجين العالم كله في صدرك


a7Iu1Q1.jpg


eZFvQSr.jpg


TB5H9iL.jpg


قد تكون بالصيف او العصر او نهاية الاسبوع افضل ولكن بالنسبه لنا لم تكن زياره موفقه من حيث التوقيت
يعني اللي ناوي يروحها يختار الوقت المناسب وراح ينبسط
الاهم خذ اكلك معك لان فيها جلسات روعه

الذهاب الى جزيرة الاميرات
بصراحه انا مادري هل اللي سويته صح او خطأ بخصوص حجز العباره للذهاب الى جزيرة الاميرات
قريت ان فيه عبارات سريعه وفيه بطيئة
انا رحت الى نفس المكان اللي حجزت منه الى بورصه وسالت وقالو لي قدام الكشك اللي بعد اللي جاي
رحت هنا العصر وسالت قالو فيه رحلات 7 ليره للشخص الواحد
ذهاب فقط والعوده 7 ليرات
مافيه كشك يحجز
مجرد مكينه تدخل فيها الفلوس وتختار العدد ويعطيك قطعه معدنيه تحطها وانت داخل محطة الركوب
اجلنا الحجز لليوم الثاني الصباح بعد ماعرفنا ان فيه رحله تطلع الساعه 10 الصباح
وفعلا وصلنا وواحد ساعدنا هناك واشترى لنا اربع قطع معدنيه واتجهنا الى جزيرة الاميرات
استمرت الرحله ساعه و 50 دقيقه
توقفت العباره 4 مرات تنزل ناس وتطلع ناس والمره الخامسه وصلنا للجزيره المنشوده

هذي بعض الصور في جزيرة الاميرات " بيوك اضه "

fUiGSp3.jpg


nd122UO.jpg


rLDer4Q.jpg


واول ماوصلنا اشتريت 4 قطع معدنيه عشان العوده لاني متوقع زحمه
وقالو اول رحلة عودة الساعه 3
رحت للكشك الموجود لقيت واحد هناك واعطيته 28 ليره واخذت عدد 4 قطع معدنيه واتجهنا لركوب العربه


R1gbFUa.jpg


لقيناهم هناك منظمين ومرتبين والاسعار موحده
رغم اني قريت انه ممكن تفاوضهم
طلب مني 75 ليره سعر ثابت
والدفع يكون بعد الرحله لسائق العربه

AFcfPne.png



بعد 40 دقيقه تقريبا من الجوله تخللها توقف لمدة خمس دقايق رجعنا الى نفس المكان اللي انطلقنا منه
تمشينا داخل الجزيره وجلسنا في احد الكوفيهات واخذنا من عندهم بعض الاكلات المنتشره

tZFxHxg.jpg



وقبل الساعه 3 بربع ساعة فتحو البوابات ورجعنا بنفس الطريقه ونفس عدد التوقفات كان الوقت تقريبا المغرب

منطقة ارتاكوي

منطقة جميله تستحق الزياره
فيها ناس يبيعون الحب بليرتين
تقدر تشتري وتوزع على الحمام ويتجمع حولك
عيبها ازعاج اصحاب المطاعم ومطاردتهم للناس الا يدخلون عندهم
هذي المنطقه مشهور بالبطاطس المشويه والوافل
يعني اللي بيروح الافضل يروح وهو جوعان لانها لذيذه

1kxI0mt.jpg



aVRhXUD.jpg


Xf9in5Y.jpg



اخيرا منطقة تقسيم

صادف تواجدنا هناك وجود بازار كبير في ساحة تقسيم
وكانت الاسعار ممتازه وتم شراء هدايا كثير باسعار مغريه
اما في شارع الاستقلال كانت الاسعار غاليه ولا انصح بها

شارع الاستقلال

wtocC9W.jpg



ساحة تقسيم

CQMVYm6.jpg


فيه هناك ناس يوزعون حب للحمام
تجي انت يعطونك علبه ويوهمك انها بلاش
وبعد ماتاخذها يطالبك بعشر ليرات
يرجى الحذر لانها حصلت معنا

انتهت الزيارات اللي رحنا لها
مقتطفات من الرحله
كررنا الزياره لارتاكوي لانها تستحق الجلسات والبطاطس
في اخر يوم لنا كان الجو ممتاز وامطار واحنا نتمشى على الشاطيء لقينا ناس تعلن عن جولات بالمركب
بعد الاخذ والرد اتفقنا على 15 ليره للشخص لمدة ساعتين
سالته عن المركب وينه قال تركب الباص ويوديك المكان
بصراحه ترددت لاني عارف انه بيوديني مكان بعيد وبعد ماتنتهي الجوله يتركني بس الحاح المرافقين اللي معي وافقت على مضض
وفعلا هذا اللي حصل
ركبنا باص وبعد انتهاء الجوله تركنا هناك اضطرينا نركب سياره ترجعنا للفندق

بخصوص المواصلات
جربت التاكسي واوبر وكريم وتطبيقهم بت تاكسي
ارخصهم بت تاكسي بس احيانا مايجي
اوبر ممتاز وسياراتهم كبيره " فان " واسعارهم ممتازه
التكاسي ان سلمت من اللعب بالعداد فأنت بالسليم
لاني بنفسي شفته يدق العداد بس مو متاكد وقلت براقبه وعيني على العداد وشافني اراقب قام وقف وقال خلاص انزل انا ماقدر اروح مكان بعيد ومابي منك شي
المهم بالمواصلات تكون محدد مكانك ومشغل الجي بي اس وتركب جنب السواق وتقول له امش على الطريق اللي ابي

قد يكون المترو والباص افضل لشخص او اثنين فقط او مجموعة شباب لكن للعائله اعتقد متعب خصوصا بعضها مزحومه

اعتذر عن الاطاله
واعلم ان الكثير راح اسطنبول وكثير كتب تقرير
لكن حبيت اشارككم رحلتي لعل وعسى استفيد انا ويستفيد غيري

شكرا للجميع



 
أعلى