تجربتي مع موقع Drop

بسم الله الرحمن الرحيم

السلام عليكم , اليوم ودي انقل لكم تجربتي مع موقع Massdrop او Drop حاليا .
بصراحه حبيت انقلكم تجربتي لاني قبل الشراء بحثت عن موضوع حديث يتكلم عن الشحن والمدة وما حصلت . فان شاء الله افيد اللي وده يشتري من الموقع.

أول شي للي ما يعرف موقع Drop.com . هو عباره عن موقع يتعامل مع الشركات لتوفير منتجات ممتازه بسعر اقل من سعر المنتج الأساسي.

مثال : سماعه سينهايزر HD 660s

قيمتها 500 $

ونسخة ماسدروب ال HD 58X JUBILEE

سعرها وقت الكتابه 150$ ونزلت الى 135$ بالBlack Friday

السماعتين متقاربه 99% ونفس الدرايفرات .


لكن الفرق بالسعر ذا موب ببلاش لان موقع ماس دروب لازم يذلك شوي عشان تحصل علي اللي تبيه

---------------------------------------
لما تشتري شي من Massdrop بيكون فيه نوعين من الدروب Drop

1- In stock معناته ان المنتح عندهم بالمخزن وبتنشحن بسرعه .

2- open runs معناته ان المنتج ما راح ينشحن لك الا بعد ما ينتهي العداد , لما تضغط علي منتج يعلمك متي تنشحن . يعني بتشتري الشي وبتنتظر اللين تنتهي المده اللي حاطينها . يمكن ساعه ويمكن اسبوعين علي حسب الوقت اللي شيكت فيه + وقت الشحن. وطبعا اذا حصلت شي واعجبك بس خلص الRun وماشريته ممكن تنتظر فتره طويله اللين يعرض مره ثانيه .


-----------
انا شريت من الموقع سماعة HE-4XX وكانت IN STOCK .


ِشريتها يوم 28 NOV وكان مكتوب انها بتنشحن يوم 29 Nov

تم الشحن يوم Dec 2 واعطوني رقم التتبع . طبعا ما كان يشتغل اول يومين

الشحن كان عن طريق CHINA EMS عبر البريد السعودي . فاول شي سويته دخلت علي حسابي بالبريد السعودي وربطة الشحنه وحطيت التسليم يكون بمحطه الطرود الفريبه من بيتي عشان استلمها بالوقت اللي يناسبني .

DEC 5 رقم التتبع اشتغل وتحركت الشحنه
DEC 7 لازالت الشحنه بالصين

من DEC 7 الى DEC 17 مافي اي تحديث علي الشحنه
DEC 18 الشحنه وصلت الرياض وجاني اشعار بدفع الضريبه 8 ريال , مدري كيف حسبوها صراحه بس اوك ؟

19 DEC استلمت السماعه
-------------------------------------------------------

الشحن ما كان مجاني دفعت 14 دولار + 8 ريال للبريد .

المده من وقت الشراء الي التسليم 21 يوم .

طبعا الوقت اللي انا طالب فيه يعتبر من اسوء الأوقات لشركات الشحن , فممكن تكون تجربتكم افضل اذا طلبتم بوقت ثاني .



أتمنى اني افدت اللي وده يشتري من Drop / MassDrop


 
التعديل الأخير بواسطة المشرف:
أعلى